Sezon i jashtëzakonshëm për KFF Uskana Kërçovë

Sezoni pranveror për KFF Uskana Kërçovë ka qenë mbresëlënës, me skuadrën që ka treguar formë të lartë dhe stabilitet gjatë gjithë kampionatit. Në 8 ndeshje të zhvilluara, ekipi ka pësuar vetëm një humbje dhe ka pranuar vetëm një gol, statistikë që dëshmon organizim dhe disiplinë të lartë në lojë.

Meritë të veçantë për këtë sukses kanë portierja Doruntina Sejdini dhe futbollistja polivalente Arianesa Arsllani, të cilat me paraqitjet e tyre kanë tërhequr vëmendjen e stafit përfaqësues.

Për shkak të formës së shkëlqyer, seleksionuesja e përfaqësueses së Maqedonosë U17, Kate Mileska, i ka ftuar të dyja lojtaret në turneun zhvillimor që po mbahet në Strumica, ku marrin pjesë përfaqësueset e San Marino, Andorra dhe Kosovës
Në ndeshjen e parë, Maqedonia triumfoi bindshëm 5:0 ndaj San Marinos.

Pjesë e stafit të ekipit janë edhe zëvendëstrajneri kërçovar Lirim Bajrami dhe Oliver Jovanovski, të cilët po japin kontribut të rëndësishëm në zhvillimin e skuadrës.

/tvgurra