Kriza Ekonomike! A po vjen shtrëngimi i rripit në Gjermani?

Rritja e çmimeve të energjisë dhe lufta në Lindjen e Mesme po e ulin rritjen ekonomike të Gjermanisë në vetëm 0.5%, më e ulëta në BE. Ministrja e Ekonomisë, Katherina Reiche, paralajmëron se inflacioni do të arrijë rreth 2.7%, i nxitur nga çmimet e energjisë.

Ekonomia mbetet e dobët dhe e brishtë, me rritje të ulët strukturore dhe humbje vendesh pune në industri. Rimëkëmbja mbështetet kryesisht nga huamarrje e madhe shtetërore për mbrojtje dhe infrastrukturë nën qeverinë e Friedrich Merz.

Reiche kundërshton ndërhyrjet në treg dhe taksën mbi fitimet shtesë të industrisë së naftës, duke paralajmëruar pasoja negative. Ekspertët theksojnë se rritja e dobët dhe borxhi i lartë mund të çojnë në masa shtrënguese në të ardhmen, përfshirë ulje të shpenzimeve sociale dhe pensioneve.

/dw