Shoqata Humanitare Greshnica Zvicër falenderon Fatmir Deharin dhe Aleksandar Jovanoskin

Shoqata Humanitare “GRESHNICA” në Zvicër, në krye me kryetarin e saj z. Xhevahir Ramadani, shpreh mirënjohjen dhe falënderimin e saj të sinqertë për Komunën e Kërçovës për realizimin e projektit të rëndësishëm “Rindërtimi i kanalit atmosferik në fshatin Greshnicë”.

Ky projekt jetik për banorët e fshatit ka ardhur si rezultat i një bashkëpunimi dhe mirëkuptimi institucional, i cili nisi pas takimit të mbajtur në dhjetor 2024, ndërmjet Xhevahir Ramadani, në cilësinë e kryetarit të shoqatës, dhe z. Fatmir Dehari, ku u dakordua për nevojën urgjente për realizimin e këtij investimi bazik në infrastrukturën lokale.

Në këtë drejtim, shprehim falënderim të veçantë për ish-kryetarin e Komunës së Kërçovës, z. Fatmir Dehari, për përkushtimin dhe mbështetjen e tij në nisjen dhe avancimin e këtij projekti. Njëkohësisht, falënderim i sinqertë shkon edhe për kryetarin aktual, Aleksandar Jovanoski, si dhe për institucionet komunale, të cilët e vlerësuan drejt rëndësinë e këtij projekti dhe kontribuan në realizimin e tij.

Realizimi i kanalit atmosferik përfaqëson një hap të rëndësishëm për përmirësimin e kushteve të jetesës në fshatin Greshnicë dhe dëshmon se bashkëpunimi ndërmjet diasporës dhe institucioneve vendore mund të sjellë rezultate konkrete dhe të dobishme për komunitetin.
Me respekt dhe mirënjohje të thellë,
Shoqata Humanitare “GRESHNICA” Zvicër

/ms