Artina Zeqiri nga Kërçova publikon romanin e parë në moshën 14-vjeçare
Nxënësja Artina Zeqiri, me prejardhje nga Kërçova dhe që jeton në Austria, ka publikuar librin e saj të parë me titull Liridona; Sehnsucht nach Frieden.
Ajo e përfundoi këtë roman në moshën 14-vjeçare si projekt shkollor, duke u bërë autorja më e re në shkollën e saj që shkruan një vepër me rreth 150 faqe.
Romani trajton tema të luftës dhe dëshirës për liri, i frymëzuar nga histori të vërteta gjatë luftës së Kosovës. I shkruar në gjuhën gjermane, libri përcjell një rrëfim të ndjeshëm dhe të balancuar, duke promovuar vlerat e paqes, njerëzores dhe shpresës.
Libri është i disponueshëm online për lexuesit e interesuar.
/tvgurra
