Gruevski një këmbë në Hungari një në Maqedoni ?

Pas tetë vitesh arratisje në Budapest, rikthimi i Nikola Gruevskit është bërë sot kryelajm, menjëherë pas zgjedhjeve në Hungari. Kryeministri i ardhshëm, Peter Magyar, deklaroi se vendi nuk do të strehojë më kriminelë ndërkombëtarë, duke rritur mundësinë e ekstradimit të ish-kryeministrit të Maqedonisë së Veriut.

Gruevski u arratis në vitin 2018 pas dënimit për rastin “Mercedes” dhe mori azil politik në Hungari, që prej atëherë refuzoi kërkesat për ekstradim. Ndërkohë, në Shkup ai u dënua në mungesë për disa raste korrupsioni, shpërdorimi detyre dhe pastrimi parash.

Ndryshimet në Kodin Penal në vitin 2023 ulën ose parashkruan disa nga këto dënime, duke reduktuar ndjeshëm totalin e viteve të burgut.

Sot, pas deklaratës së Magyar, kthimi i tij duket më i mundshëm se kurrë. Një ekstradim i mundshëm do të ishte test i rëndësishëm për sundimin e ligjit në Maqedoninë e Veriut.

/zhurnal