Maqedonia do të tronditet nga inflacioni !?

Jo vetëm viti 2026, por edhe 2027 pritet të shënohen nga rritja e çmimeve. Analiza e Bankës Popullore paralajmëron se konflikti në Lindjen e Mesme do të ndikojë drejtpërdrejt në inflacion dhe në rritjen e çmimeve të ushqimeve, karburanteve dhe metaleve.

Në mars u regjistrua inflacion dyshifror për produkte bazë si sheqeri, kafeja, mishi dhe frutat, ndërsa kostot e jetesës për ushqim u rritën me 6,96%. Rritjet më të mëdha u shënuan te mishi (12,8%), produktet e qumështit (8,12%) dhe sheqeri (10,22%). Inflacioni total vjetor arriti në 4,9%.

Banka Popullore paralajmëron se çmimet e naftës, grurit dhe metaleve mund të rriten më tej, në varësi të zhvillimeve gjeopolitike. Edhe pse pritet një stabilizim më i moderuar në 2027, pasiguria mbetet e lartë.

Ndërkohë, një ulje e përkohshme e çmimit të naftës u vu re pas sinjaleve për negociata paqeje. Qeveria pritet të vendosë për masa të reja për çmimet, varësisht nga raportet e inspektimit.

/lajmpress