Serbia pritet të humbasë 1.5 miliardë euro nga fondet e Europës

Serbia rrezikon të humbë deri në 1.5 miliardë euro nga fondet e BE-së, pasi Komisioni Evropian po shqyrton pezullimin për shkak të problemeve me demokracinë dhe lidhjeve me Rusinë, sipas Politico.

Që nga nisja e negociatave në 2014, Serbia përfiton fonde për reforma, por ligjet që prekin gjyqësorin, presioni ndaj mediave dhe shtypja e protestave kanë rritur shqetësimin në BE. Komisionerja Marta Kos i quajti këto zhvillime “hap prapa”.

Brenda BE-së është rritur presioni për pezullim fondesh, ndërsa reformat gjyqësore dhe opinioni i pritshëm i Komisionit të Venecias mund të ndikojnë vendimin.

Megjithëse BE-ja është donatori më i madh i Serbisë, Beogradi vazhdon të mbajë lidhje me Rusinë, duke tensionuar marrëdhëniet me Brukselin.

Pas protestave, kritikave për zgjedhjet dhe afrimit me Moskën, durimi i BE-së po shteron, duke e shtyrë drejt një qëndrimi më të ashpër ndaj Serbisë.

/ts