Emigrimi popullsia e Maqedonis do të ulet masovikisht !

Enti Shtetëror i Revizionit, në kuadër të Programit të vitit 2025, analizoi periudhën 2014–2024 mbi plakjen e popullsisë në Maqedoninë e Veriut. Gjetjet tregojnë se kujdesi për të moshuarit dhe qëndrueshmëria e sistemit pensional janë të pamjaftueshme, pavarësisht masave të ndërmarra.

Sistemi pensional, veçanërisht shtylla e parë, operon me deficit të vazhdueshëm dhe varet nga transfere të larta buxhetore (deri 43,6%, rreth 690 milionë euro në 2024). Pensionet janë rritur, por jo në bazë të kontributeve apo rritjes ekonomike, duke rritur presionin fiskal. Investimet e fondeve pensionale janë të kufizuara kryesisht në obligacione shtetërore, me kthim të ulët real.

Plakja demografike është e përshpejtuar: deri në vitin 2055 mbi 34% e popullsisë do të jetë mbi 65 vjeç, ndërsa popullsia në moshë pune do të bjerë ndjeshëm. Kujdesi për të moshuarit mbetet kryesisht informal; shërbimet publike janë të kufizuara dhe të pabarabarta, me më pak se 1% mbulim për kujdes në shtëpi.

Mungesa e strategjive aktive, koordinimit dhe reformave strukturore rrit rrezikun për financat publike dhe sistemin social. Raporti kërkon masa urgjente dhe të koordinuara për të siguruar qëndrueshmëri afatgjatë dhe përmirësim të kujdesit ndaj të moshuarve.

/ts