K.F Vëllazërimi 1977 falenderim për ministrin Fatmir Limani

FALËNDERIM
Pas situatës së vështirë të krijuar nga vërshimet dhe dëmet e konsiderueshme të shkaktuara në terrenet dhe zhveshtoret e KF Vëllazërimit, klubi ynë u detyrua të bëjë apel për ndihmë, një hap i domosdoshëm për të vazhduar funksionimin normal.

Sot, me mirënjohje të veçantë, njoftojmë se klubi ynë ka përfituar një donacion qeveritar, i cili u bë i mundur falë angazhimit të drejtpërdrejtë, përkushtimit dhe mbështetjes së pakursyer të Ministrit të Punës dhe Politikës Sociale, z. Fatmir Limani.

Roli i tij ishte vendimtar me reagim të shpejtë dhe pa asnjë hezitim, ai mundësoi që KF Vëllazërimi të tejkalojë këtë periudhë të vështirë dhe të vazhdojë garën deri në fund të sezonit me dinjitet.

Kjo mbështetje nuk është vetëm ndihmë për klubin, por është investim i drejtpërdrejtë në të rinjtë, në sportin dhe në të ardhmen e komunitetit tonë.
Faleminderit sinqerisht ministër për përkushtimin, seriozitetin dhe vizionin tuaj!

Njëkohësisht, theksojmë se çdo ndihmesë është e mirëseardhur nga çdokush që ka mundësi të kontribuojë, sepse çdo mbështetje e madhe apo e vogël ka vlerë të jashtëzakonshme për zhvillimin dhe vazhdimësinë e klubit tonë.
Me respekt të thellë,
KF Vëllazërimi 1977

/ms