Simpoziumi i Shoqatës Kulturore Kërçova një organizim madhështorë

Në prani të anëtarëve të shoqatës, kryesia e Shoqatës Kulturore Kërçova-Zvicër mbajti me sukses Mbledhjen Gjenerale, gjatë së cilës kryesia prezantoi raportin mbi aktivitetet e realizuara gjatë vitit 2025, raportin financiar, si dhe planin e aktiviteteve për vitin 2026.

Në pikën e fundit të rendit të ditës u zhvillua një diskutim i hapur me anëtarët, ku u ndanë ide dhe sugjerime të vlefshme për të ardhmen dhe zhvillimin e mëtejshëm të Shoqatës. U theksua rëndësia e bashkëpunimit dhe angazhimit të përbashkët, me synim forcimin e unitetit dhe rritjen e suksesit të komunitetit tonë që jeton dhe vepron në Zvicër.

Në pjesën e dytë u mbajt Simpoziumi Shkencorë i këtij viti, ku si të ftuar specialë patëm Prof. Dr. Avzi Mustafa dhe Prof. Dr. Qemal Murati, me të cilët u trajtua tema “Gjuha shqipe në rrethin e Kërçovës”.

Ishte një privilegj i veçantë të dëgjosh këto dy figura me kontribut të jashtëzakonshëm për Kërçovën tonë. U jemi shumë mirënjohës dhe falënderues për pjesëmarrjen dhe ligjëratat e tyre të çmuara.

/ms