Amerikë: Një mbrëmje në nder të një atdhetari nga Kërçova
Komuniteti ynë ka pasur gjithmonë një përgjegjësi të madhe: të kujtojë, të nderojë dhe të përcjellë historitë e atyre që kanë kontribuar për çështjen kombëtare shqiptare.
Me këtë frymë, jeni të ftuar të merrni pjesë në promovimin e librit monografik kushtuar një prej figurave të përkushtuara të kauzës sonë kombëtare:
“Ajet Rushiti – Në Sfidat e Rrugëtimit Atdhetar”
nga autori Shaban Dalipi
📍 Albanian-American Islamic Center (Xhamia e Chicagos)
5825 St. Charles Rd, Berkley, IL
📅 30 Mars (E hënë)
🕖 Ora 7:00 PM
Ky promovim lidhet drejtpërdrejt me historinë e komunitetit tonë në Chicago. Siç dëshmohet edhe në arkivat e kohës, Ajet Rushiti dhe bashkëkohësit e tij kanë qenë aktivë në organizimin e komunitetit shqiptar këtu, duke ngritur zërin për çështjen kombëtare përmes protestave, organizimeve dhe angazhimit publik.
Libri sjell një pasqyrë të këtij rrugëtimi, duke përfshirë edhe periudhën kur diaspora shqiptare në Chicago luante një rol të rëndësishëm në ndërgjegjësimin dhe mobilizimin për Kosovën. Ai trajton sfidat, organizimin dhe përkushtimin e atyre që vepronin larg atdheut, por me fokus të qartë në të.
Mbrëmja do të nisë me shfaqjen e një dokumentari që pasqyron këtë veprimtari ndër vite, ndërsa më pas do të ketë prezantime dhe diskutime rreth figurës së Ajet Rushitit dhe kontributit të tij në komunitet dhe më gjerë.
Ky është një aktivitet që lidhet me historinë tonë këtu në Chicago dhe një mundësi për ta njohur më mirë rolin që komuniteti ynë ka luajtur ndër vite.
Komuniteti inkurajon të gjithë anëtarët dhe miqtë e komunitetit tonë të marrin pjesë.
/ms
