Ilaç i ri kundër rënies së flokëve ?

Mijëra persona me rënie të rëndë të flokëve mund të përfitojnë nga një pilulë e re e miratuar në Britani. Ilaçi Deuruxolitinib (Leqselvi) përdoret për trajtimin e alopecia areata, një sëmundje ku sistemi imunitar sulmon folikulat e flokëve.

Në provat klinike, rreth 30% e pacientëve rikthyen të paktën 80% të flokëve brenda gjashtë muajve, ndërsa disa arritën mbi 90%. Ilaçi vepron duke ulur inflamacionin dhe duke mbrojtur folikulat, duke mundësuar rritjen e flokëve.

Alopecia prek rreth 1 në 500 persona dhe mund të shkaktojë ndikim të madh emocional, përfshirë humbje vetëbesimi dhe ankth. Megjithatë, folikulat zakonisht mbeten aktive, çka do të thotë se rritja e flokëve është e mundur.

Trajtimi merret vetëm me recetë dhe për momentin ofrohet privatisht në Britani. Një tjetër ilaç i ngjashëm, Ritlecitinib, u miratua në 2024.
Këto zhvillime konsiderohen një hap i rëndësishëm për trajtimin e kësaj gjendjeje.

/ts