Maqedonia ka rezerva të naftës për 60 ditë !

Pjesa më e madhe e rezervave shtetërore të naftës ruhen në depot e katër kompanive (Okta, Makpetrol, Lukoil, Supertrade), ndërsa një pjesë më e vogël në rezervuarë shtetërorë. Kompanitë paguhen për këtë shërbim dhe kanë detyrim ligjor t’i vënë rezervat në dispozicion të shtetit kur kërkohet.

Rezervat aktuale:
Eurodizel: 138,9 milionë litra
Benzinë (95): 32,1 milionë litra
Vaj ekstra i lehtë (EL-1): 10,8 milionë litra
Mazut: 5,3 milionë kg

Rezervat kontrollohen rregullisht dhe janë të mjaftueshme për rreth 60 ditë konsum. Ato rinovohen dy herë në vit sipas standardeve sezonale.

Megjithatë, vendi ende nuk e arrin standardin evropian prej 90 ditësh, kryesisht për shkak të mungesës së fondeve dhe hapësirës depozituese. Pavarësisht kësaj, sipas autoriteteve, situata është më e mirë krahasuar me disa vende të rajonit, pasi rezervat ruhen brenda vendit dhe në përputhje me rregulloret evropiane.

/lajmpress