Tv Gurra: Populli mes zhgënjimit dhe mosbesimit ndaj politikës

Populli sot gjendet përballë një dileme të madhe: kujt t’i besojë? Në skenën politike në Maqedoninë e Veriut, liderët politikë shpesh akuzojnë njëri-tjetrin – herë për patriotizëm të rremë, herë për tradhti kombëtare.

Kur janë në opozitë, i shohin qartë të gjitha mangësitë, gabimet dhe dështimet e qeverisjes.
Por sapo bëhen pjesë e pushtetit, shumë prej tyre ndryshojnë qëndrim. Problemet që dikur i denonconin me zë të lartë, tani heshten. Interesi i qytetarëve zëvendësohet me interesa personale dhe partiake.

Për ta duket se “rrjedh mjalti”, ndërsa qytetarët vazhdojnë të përballen me sfida ekonomike e sociale.
Në këtë realitet, besimi i popullit lëkundet çdo ditë e më shumë. Politikanët shqiptarë shpesh akuzohen se bëjnë kompromise vetëm për të qenë pjesë e pushtetit, duke lënë në plan të dytë interesin kombëtar dhe qytetar.

Koha kërkon përgjegjësi, transparencë dhe veprime konkrete. Sepse vetëm me punë të ndershme dhe llogaridhënie mund të rikthehet besimi i humbur i qytetarëve.

/tvgurra