Tensionohet situata ! NATO-s neutralizojnë raketën e tretë iraniane drejt Turqisë ?

Ministria turke e Mbrojtjes njoftoi se forcat e mbrojtjes ajrore të NATO-s të vendosura në Mesdheun lindor kanë interceptuar një raketë të tretë balistike të lëshuar nga Irani drejt Turqisë, duke shtuar se po kërkon një shpjegim nga Teherani për incidentin.

Në një deklaratë të ndarë në X, ministria tha se asetet e aleancës mbrojtëse të vendosura në Mesdheun Lindor iu përgjigjën në kohë kërcënimit. Sulmi vjen pasi mediat lokale raportuan më parë se sirenat u dëgjuan në bazën Incirlik të NATO-s pranë Adanas, Turqi.

“Një raketë balistike e lëshuar nga Irani dhe që hyri në hapësirën ajrore turke u neutralizua nga elementët e mbrojtjes ajrore dhe raketore të NATO-s të vendosur në Mesdheun Lindor.

Po merren të gjitha masat e nevojshme me vendosmëri dhe pa hezitim kundër çdo kërcënimi ndaj territorit dhe hapësirës ajrore të vendit tonë, ndërkohë që po zhvillohen diskutime me vendin përkatës për të sqaruar të gjitha aspektet e incidentit. Duke pasur si përparësi sigurinë tonë kombëtare, të gjitha zhvillimet në rajon po monitorohen dhe vlerësohen me kujdes”, thuhet në deklaratë.

/ts