Lufta në Lindjen e Mesme trondit ekonominë ! Evropa frigohet ?

Lufta mes SHBA-së dhe Iranit, tani në javën e dytë, po shkakton shqetësime serioze për ekonominë globale, veçanërisht në Evropë. Rritja e çmimeve të naftës dhe gazit, si dhe rreziku për ndërprerje të furnizimeve, po rikthejnë frikën nga një krizë e re energjitike, e ngjashme me atë të vitit 2022 pas pushtimit rus të Ukrainës.

Çmimi i naftës ka kaluar përkohësisht 100 dollarë për fuçi, ndërsa gazi në Evropë ka arritur mbi 60 euro për megavat-orë. Situata është përkeqësuar nga tensionet në Ngushticën e Hormuzit, përmes së cilës kalon rreth 20% e tregtisë botërore të naftës.

Ekonomistët paralajmërojnë se nëse konflikti zgjat, mund të rritet inflacioni dhe të ngadalësohet rritja ekonomike. Evropa rrezikon edhe një skenar stagflacioni – rritje të dobët ekonomike të shoqëruar me çmime të larta të energjisë.

Udhëheqësit evropianë po shqyrtojnë masa si përdorimi i rezervave strategjike të energjisë dhe sigurimi i transportit të naftës, ndërsa tregjet tashmë po reagojnë me rritje të çmimeve të karburanteve.

Në SHBA gjithashtu po ndihen efektet e rritjes së çmimeve të energjisë, ndërsa ekonomistët paralajmërojnë se sa më gjatë të zgjasë lufta, aq më të rënda do të jenë pasojat për ekonominë globale.

/alsatm