Policia ma detaje reth tragjedisë që tronditi Zvicrën !?

Një autobus postar u përfshi nga flakët të martën mbrëma në qendër të Chiètres, duke shkaktuar vdekjen e të paktën gjashtë personave, ndërsa disa të tjerë u plagosën, përfshirë një shpëtimtar, njoftoi policia kantonale.

Autoritetet nuk kanë konfirmuar ende numrin e saktë të viktimave dhe po hetojnë mundësinë që zjarri të jetë shkaktuar qëllimisht. Policia ka hapur një hetim penal dhe ka apeluar tek publiku të shmangë zonën e incidentit, transmeton albinfo.ch.

Ngjarja ndodhi rreth orës 18:25 në Murtenstrasse, rruga kryesore e qytetit. Një operacion i madh shpëtimi u aktivizua, duke përfshirë 9 ambulanca, zjarrfikës nga Chiètres dhe Morat, dhe një helikopter Rega. Tre nga të plagosurit janë në gjendje të rëndë dhe një është transportuar me helikopter në spital.

Policia ka ngritur një linjë telefonike për viktimat, familjet dhe dëshmitarët e mundshëm: 0800 261 700. Hetimet vazhdojnë për të përcaktuar shkakun e saktë të zjarrit dhe për të zbuluar nëse pas ngjarjes qëndron një veprim i qëllimshëm.

/albinfo