Pikat e karburantit nuk shesin, presin mesnatën !? (VIDEO)

Pasi mësuan se çmimi i derivateve do të rritet pas mesnatës, disa pompa të benzinës filluan të mos shesin derivate, me arsyetimin se është harxhuar.
“Nuk ka naftë! Përse? Sepse u shpenzua e gjitha, nuk ka arritur tjetër! Kur do të vij? Sapo të sjellin do të fillojmë të sheshim. Prej kur është kështu? Nga 6 e mëngjesit deri më tani vetëm 1 ton naftë kemi shitur. E zgjidhja cila është? Po të ndryshohet çmimi e pastaj… Ka shanse të arrij tani 7-8 ton por nuk e dimë as ne, mund të ju keq informojmë e të vini pak të mos ketë naftë. Çfarë është problemi? Marrin shumë, autobusi po mbushet, ai tjetri me kamion a tjetër nuk ka.”

Situata të tilla kishte në pikat e karburanteve që janë afër kufijve, por edhe nëpër qytete. Kjo i ka irrituar qytetarë që disa i cilësojnë si “përfitues të krizës”.
“Disa pika të karburanteve, gjatë fundjavës por edhe këtë të hënë kanë filluar të mos japin derivate me shumicë, por as me pakicë. Disa shesin me litra të limituar e disa deri në 500 denarë, duke qenë se çmimet pritet të ndryshojnë pas kësaj të hëne sipas Komisionit rregullator të energjetikës. Nga ana tjetër konsumatorët shprehen të revoltuar duke qenë se pikat e karburanteve po shfrytëzojnë këtë krizë në dëm të qytetarëve”, raporton Adnan Qaili, gazetar.

Me të filluar lufta në Lindje të mesme, që në javën e parë të marsit u reflektua kriza për karburante. Kishte qytetarë që prisnin radhën për të mbushur rezervuarët, por disa edhe me fuqi të mëdha si kjo:
Komisioni Rregullator për Energjetikë, ka miratuar vendimin për rritjen e çmimeve me pakicë të derivateve të naftës me një mesatare prej 14.27% krahasuar me vendimin e datës 2 mars 2026. Nga mesnata e sonte sapo të bëhet 10 marsi këto çmime do të hyjnë në fuqi. Çmimet me pakicë të benzinës EuroSuper-95 dhe BS-98 rriten me 5 denarë për litër. Çmimi i naftës rritet me 14.5 denarë për litër.

Komisioni Rregullator për Energjetikë:
Benzina EuroSuper-95 bëhet 79.5 denarë për litër
Benzina EuroSuper-95 bëhet 81.5 denarë për litër
Naftë EuroDiesel (D-E-V) bëhet 85.5 denarë për litër
Vaj ekstra i lehtë për djegie bëhet 82.5 denarë për litër
Mazut M-1 NS bëhet 42.586 denarë për litër

Sipas KRRE-së, çmimet referuese të derivateve të naftës në tregun botëror, krahasuar me llogaritjen e mëparshme, janë rritur mesatarisht: për benzinën me 13%, për naftën me 36%, për vajin ekstra të lehtë me 32% dhe për naftën e mazutit rritja është me 27%. Kursi i këmbimit të denarit kundrejt dollarit në periudhën pas së cilës çmimet u formuan me llogaritjen e mëparshme është më i lartë me 0.95%.

VIDEO:

/tv21