Çmimet e naftës dhe gazit nuk do të shpërthejnë në tre muajt e ardhshëm

Evropa mund të përballet me rritje të çmimeve të energjisë për shkak të konfliktit në Lindjen e Mesme dhe tensioneve rreth Ngushticës së Hormuzit. Edhe pse shumica e naftës që kalon aty shkon drejt Azisë, çdo ndërprerje e furnizimeve rrit çmimet globale dhe ndikon drejtpërdrejt edhe në Evropë. Çmimi i naftës Brent është rritur mbi 9%, duke arritur rreth 80 dollarë për fuçi.

Analistët paralajmërojnë se rreziku më i madh është një krizë afatgjatë që mund të riorganizojë tregun global të energjisë, si pas pushtimit rus të Ukrainës. Evropa ende varet shumë nga importet e energjisë, edhe pse ka rezerva emergjente dhe ka diversifikuar furnizimet.

BE-ja importon naftë kryesisht nga SHBA, Norvegjia, Kazakistani dhe Libia, ndërsa gazin e lëngshëm kryesisht nga SHBA. Megjithatë, tensionet gjeopolitike dhe ndryshimet në furnizim mund të rrisin cenueshmërinë energjetike të Evropës, ndërsa disa analistë paralajmërojnë se Rusia mund të përfitojë nga situata.

/alsatm