Putini kishte shpresa të mëdha për Trump-in. Ato janë shuar !

Pushtimi i Ukrainës nga Putini në 2022 ishte më shumë se agresion territorial; ishte një përpjekje për të rikthyer respektin dhe për të sfiduar SHBA-të, që ai i shihte si pengesën kryesore të Rusisë. Ai llogariste një fitore të shpejtë që do ta detyronte Uashingtonin ta merrte seriozisht Moskën.

Rikthimi i Trump-it në Shtëpinë e Bardhë dukej si mundësi për Kremlinin: ai premtoi ta mbyllte luftën shpejt dhe la të kuptohej se marrëdhëniet me Rusinë mund të normalizoheshin. Por një vit më vonë, këto pritshmëri nuk u realizuan. Nuk pati përmirësim real diplomatik apo ekonomik, as hapa konkretë në kontrollin e armëve.

Trump shpesh e anashkaloi Putinin në çështje kyçe, nga Lindja e Mesme te Kaukazi, vendosi sanksione të reja dhe ushtroi presion ndaj partnerëve të Rusisë. Edhe propozimet për zgjatjen e New START mbetën pa përgjigje të qartë. Në nismat e tij ndërkombëtare, Trump e vendosi veten në qendër, duke mos lënë hapësirë për barazi me Moskën.

Megjithatë, disa qëndrime të përbashkëta – skepticizmi ndaj BE-së, kundërshtimi i “woke”-it dhe politika e forcës – i japin Rusisë një farë hapësire manovrimi në një rend global më të paqëndrueshëm.

Problemi thelbësor mbetet lufta: Trump nuk ia dorëzoi Ukrainën Rusisë dhe, përballë kundërshtimit, ka treguar se tërhiqet nga kërkesat maksimale. Pa fitore politike nga Uashingtoni, Putini pritet ta vazhdojë luftën, duke thelluar kostot për Rusinë, ndërsa SHBA do të ndjekin kursin “Amerika e para” – diçka që nuk përkthehet domosdoshmërisht në respekt për Moskën.

/zhurnal