Netanyahu: Lufta me Iranin nuk do të jetë e pafundme ?

Kryeministri izraelit Benjamin Netanyahu deklaroi për “Fox News” se lufta e SHBA-së dhe Izraelit kundër Iranit nuk do të jetë e pafundme. Sipas tij, rrëzimi i regjimit iranian do t’i hapte rrugë traktateve të reja paqeje me vendet myslimane, duke përfshirë Arabinë Saudite, dhe do t’i mundësonte popullit iranian të krijojë një qeveri demokratike.

Ai theksoi se, në bashkëpunim me presidentin Trump, u arritën Marrëveshjet e Abrahamit me katër vende arabe dhe shtoi se veprimi i përbashkët kundër Iranit mund të sjellë edhe më shumë marrëveshje paqeje.

Ndërkohë, raportimet thonë se sulmet e përbashkëta SHBA-Izrael kanë vrarë disa zyrtarë të lartë iranianë, përfshirë udhëheqësin suprem Ali Khamenei, ndërsa Teherani është kundërpërgjigjur me sulme me dronë dhe raketa ndaj objektivave të lidhura me SHBA-në në Gjirin Persik.

/shenja