Serbët i kërkojnë Iranit ta sulmojë Kosovën?

Në rrjete sociale, disa faqe serbe raportojnë se qytetarë serbë po u dërgojnë autoriteteve iraniane koordinatat e kampit amerikan Bondsteel në Kosovë, duke kërkuar që ai të jetë cak i sulmeve. Në një postim në “X” shkruhej: “Ja një bazë tjetër amerikane! Faleminderit paraprakisht”.

Ministria e Mbrojtjes ka deklaruar se nuk ka marrë informacione për këto thirrje, ndërsa KFOR-i nuk është përgjigjur.

Irani kishte paralajmëruar se do të godiste të gjitha bazat amerikane në rajon dhe territorin e Izraelit, ndërsa disa prej tyre tashmë janë shënjestruar. Liderët e Kosovës kanë mbështetur veprimet e SHBA-së dhe Izraelit, të cilat sipas tyre synojnë shkatërrimin e programit bërthamor iranian.

/ts