Reagim edhe nga Lëvizja Besa dega në Zvicër

Reagim publik
Unë, Rahman Ramadani (Mani), në cilësinë e kordinatorit pranë shtabit të Fatmir Limani për zgjedhjet lokale të Tetorit në Zvicër dhe anëtar i nëndegës së fshatit Greshnicë, ndjej obligim të reagoj publikisht ndaj veprimeve të papërgjegjshme dhe të dëmshme të Adnanit dhe Bilallit.

Kontributi i mërgimtarëve Kërçovarë në Zvicër nuk është simbolik – është real, i matshëm dhe i ndërtuar mbi sakrificë të gjatë vitesh. Çdo përpjekje për ta anashkaluar, për ta përdorur për interesa personale apo për ta minuar përmes veprimeve të njëanshme përbën shkelje të rëndë morale dhe politike.

Është e papranueshme që djersa dhe besimi i mërgatës të trajtohen si mjet për kalkulime të ngushta. Këto veprime jo vetëm që cenojnë unitetin tonë, por rrezikojnë seriozisht përpjekjen e përbashkët për organizim të dinjitetshëm dhe përfaqësim të drejtë.

I bëj thirrje të drejtpërdrejtë Adnanit dhe Bilallit: ndaloni menjëherë veprimet që dëmtojnë frymën e bashkëpunimit dhe reflektoni sa nuk është bërë vonë. Përndryshe, përgjegjësia për pasojat politike dhe morale do të mbetet mbi ju.
Koha për reflektim është tani.
Mërgata Kërçovare meriton respekt, jo përçarje.

Rahman Ramadani (Mani)
Kordinator pranë shtabit të Fatmir Limanit për zgjedhjet lokale – Zvicër
Anëtar i nëndegës f.Greshnicë,Kërçovë
18.02.2026 Zvicër

/ms