Tensione të thella brenda Lëvizjes Besa
“Mërgata ka dëshmuar përkushtim dhe sakrificë konkrete në çdo cikël zgjedhor. Megjithatë, në dy zgjedhjet e fundit kemi parë një qasje përjashtuese dhe veprime që mund të cilësohen si sabotim i drejtpërdrejtë i angazhimit tonë politik”, thuhet në reagim.
Ai kërkon reflektim të menjëhershëm nga udhëheqja dhe rivendosje të komunikimit institucional me strukturat jashtë vendit, duke paralajmëruar se në mungesë të ndryshimeve konkrete, mërgata do të ndërmarrë hapa politikë në përputhje me mandatin e saj.
Në të njëjtën linjë kanë reaguar edhe strukturat rinore të partisë.
Edmond Hoda, Kryetar i Forumit Rinor të Lëvizjes BESA – Dega Strugë, në emër të strukturave rinore, ka mbështetur qëndrimin kritik ndaj udhëheqjes aktuale, duke theksuar se rinia nuk do të lejojë manipulime apo imponime politike.
“Adnan Azizi, nëse vërtet e do të mirën e qytetarëve dhe të strukturës politike, atëherë distancohu menjëherë nga veprimet që e dëmtojnë rëndë zhvillimin e strukturës në nivel të përgjithshëm. Ndërhyrjet e tua nuk kanë sjellë asgjë tjetër përveç përçarjes dhe dobësimit të rinisë dhe strukturave në terren. Si kryetar i Forumit Rinor të Zonës 5, e cila përfshim Strugën, Dibrën, Ohrin dhe Prespën, deklaroj qartë: rinia nuk do të lejojë manipulime, imponime apo skenarë të diktuar për interesa personale. Çdo përpjekje për përçarje do të përballet me reagim të fuqishëm dhe të organizuar” ka shkruar Edmond Hoda në profilin e tij në Facebook
Po ashtu, Ramazan Dini, Kryetar i Forumit Rinor – Dega Rajonale (Kërçovë, Dollnen, Manastir), ka paralajmëruar se vendimet e gabuara do të kenë pasoja politike dhe organizative, duke theksuar se forca e subjektit buron nga uniteti dhe respektimi i bazës.
Nga Zona 5 (Strugë, Dibër, Ohër, Prespë), Kryetari i Forumit Rinor ka deklaruar qartë se rinia nuk do të tolerojë ndërhyrje të një grupi të ngushtë që, sipas tij, ka bllokuar zhvillimin e strukturave dhe ka krijuar përçarje të qëllimshme në terren.
Në reagimet publike përmenden drejtpërdrejt kryetari i partisë, Bilall Kasami, si dhe funksionari i lartë partiak Adnan Azizi, të cilët akuzohen për vendimmarrje të njëanshme, përjashtim të strukturave lokale nga proceset kyçe dhe dobësim të organizimit në Tetovë – një nga bastionet më të forta të partisë.
Sipas deklaruesve, strukturat në Tetovë janë “barikaduar dhe ngulfatur” përmes ndërhyrjeve politike që kanë sjellë përçarje dhe pakënaqësi të thellë në anëtarësi.
