Policia nuk do ti ndaloj dasmat pa autorizim ! (VIDEO)
Pa autorizim të Prokurorisë Themelore Publike, Ministria e Punëve të Brendshme nuk mund të hyjë nëpër objekte private dhe të intervenojë nëpër festime familjare. Kështu ka deklaruar ministri i Punëve të Brendshme, Naqe Çulev, i cili ka nënvizuar se Prokuroria në disa raste të caktuara jep autorizime të tilla, por në raste të tjera jo.
Naqe Çulev, ministër i Punëve të Brendshme
“Në situata kur nuk mund të veprohet menjëherë, bëjmë identifikimin e personave dhe më pas thirren në stacion policor dhe një dorëzim i duhur dorëzohet në Prokurorinë Publike. Është e nevojshme që qytetarët vetë të jenë të vetëdijshëm dhe të mbajnë pajisje mbrojtëse, pasi me ardhjen e zgjedhjeve të gjitha këto masa do të jenë më të liruara, me siguri do të hapen kufinjtë nga java tjetër dhe qytetarët duhet vetë të jenë të vetëdijshëm për rrezikun nga infektimi”
Ministri Çulev theksoi se MPB po i ndërmerr të gjitha aktivitetet e nevojshme për parandalimin e shpërndarjes së koronavirusit, por ai nënvizoi se kapaciteti i të punësuarve për të mbuluar secilën lagje është i vogël.
Naqe Çulev, ministër i Punëve të Brendshme
“Nuk mund ta zgjidh vetëm ministri i punëve të Brendshme këtë pandemi dhe krizë shëndetësore. Nevojitet qasje e multidiciplinuar i të gjitha institucioneve, përfshirë edhe ndërgjegjësimin e madh të qytetarëve”
Çulev tha se policia është e angazhuar për të mbuluar pikat kufitare, kontrollin e masave për izolim dhe vetëizolim si dhe kontrolle nëpër objekte hotelierike. Ajnur Bafqari /SHENJA/
VIDEO:
