Ali Ahmeti për kandidatin shqiptar: Nuk ka bereqet kjo punë (VIDEO)

Nuk ka bereqet kjo punë, bëjmë dasmë e nuk marrim nuse, kjo është me bë petulla në ujë. Me këto fjalë, kryetari i BDI-së, Ali Ahmeti, jo më larg se para një viti ironizonte kandidimin e një shqiptari për president në zgjedhjet presidenciale. Sipas kreut të BDI-së, i cili në këtë fushatë premton kryeministër shqiptar, këto punë nuk mund të bëheshin pa marrëveshje me bashkëqytetarët maqedonas dhe fillimisht duhej të tejkaloheshin dallimet dhe komplekset që sipas Ahmetit i kanë edhe maqedonasit edhe shqiptarë.

Sinkron: Ali Ahmeti

“Ne do bëjmë, të pabërën në këto hapësira. Si të bëhem unë president. Kjo është me bë petulla në ujë. Akoma, akoma dy shoqëritë tona janë të papjekura, akoma ka komplekse, duhet të jemi realista, edhe ata kanë komplekse kanë paragjykime bashjëqytetarët tanë maqedonas që duhet ti tejkalojnë edhe ne kemi komplekset tona dhe kështu tejkalohen dallimet, si me zgjedhjet lokale që arritëm një gjuhë të pëqrbashkët në Shkup. Jut ë gjithë të Sarajit keni votuar për kryetarin e qytetit të Shkupit, sepse nuk mund të fitonte një shqiptar, duhet të jemi racionalist dhe realist. Unë sdua mor vëlla të gënjej”.

Në një paraqitje publike këto ditë Ahmeti i ftoi të gjitha partitë shqiptare me 22 deputetët e tyre që ta mbështesin idenë e tij për kryeministër shqiptar duke e quajtur këtë, kauzë të madhe kombëtare. Por, vetëm para një viti Ahmeti thoshte se ide të këtilla nuk mund të realizohen as me 30 deputet shqiptar, duke shtuar se nuk ka bereqet nga kandidimi i një shqiptari për postin më të lartë shtetëror.

Ali Ahmeti

“Tani është koha, është koha për tu bashkuar, koha për të vepruar përsëri së bashku. Kjo është një thirje për të gjithë partitë shqiptare dhe të gjithë qytetarët shqiptarë dhe të tjerët, për të mbështetur kauzën shqiptare e cila është më e madhe se të gjithë ne. Tani është koha për të shkruar së bashku historinë, nuk është thjeshtë një ëndërr…. Është koha për kryeministrin e parë shqiptar në Maqedoninë e Veriut”.

Ali Ahmeti

“A do bëhemi ato shqiptarët e mëdhej se na paskan nxjer një shqiptar kandidat. O e provuam ne një herë, dy herë dolëm, e pamë se nuk ka bereqet kjo punë, sepse këto gjëra bëhen duke u mar vesh, sepse ne vetë vetëm si shqiptarë, me 30 deputetë nuk bëhen. Duhet të jemi racional, të jemi të arsyeshëm. Bën dasëm, a e dijmë se nuse nuk marrëm”.

Kjo është një nga temat e shumta për të cilat kryetari i BDI-së ka pasur qëndrime kontradiktore nga një cikël zgjedhor në tjetrin. Ahmeti në zgjedhjet e kaluara pati deklaruar se ka ardhur koha edhe për drejtorin e Drejtorisë së të Ardhurave Publike, ministrin e financave, guvernatorin e Bankës Popullore, por pas përfundimit të zgjedhjeve arrinte compromise të tjera me parnerët maqedonas të koalicionit. Ahmeti mbahet mend edhe për deklarata kur disa herë e pati quajtur të zyrtarizuar gjuhën shqipe dhe më dilte në fushatë me premtime të reja për zyrtarizim të gjuhës.

Arben Zeqiri /SHENJA/

VIDEO: