Ministri Fatmir Limani në takim me Ambasadorin Begoviq në Bukuresht

Ministri i Punës dhe Politikës Sociale, z. Limani, gjatë vizitës së tij zyrtare në Rumani, ku po merr pjesë në një konferencë rajonale treditore kushtuar zhvillimit të shërbimeve sociale më të forta, më gjithëpërfshirëse dhe të integruara, realizoi takim me Ambasadorin e Republikës së Maqedonisë së Veriut në Bukuresht, z. Zlatan Begoviq.

Në fokus të takimit ishin politikat aktuale sociale, proceset reformuese në vend dhe roli i diplomacisë në promovimin e prioriteteve shtetërore në fushën e mbrojtjes sociale, demografisë dhe rinisë.

Ministri Limani shprehu mirënjohje për mbështetjen dhe angazhimin e Ambasadës në përfaqësimin e Maqedonisë së Veriut në arenën ndërkombëtare, duke theksuar se bashkëpunimi do të vazhdojë në interes të qytetarëve.

/tvgurra