Tragjedi: Babai vdiq, djali u lëndua gjatë përpjekjeve për shuarje (VIDEO)
Në zjarrin e mbrëmshëm në një banesë në Tetovë ka ndërruar jetë një person, kurse djali i tij ka marrë lëndime gjatë përpjekjeve për shuarjen e zjarrit. Në të njëjtën banesë edhe para disa ditëve ka pasur të raportuar zjarr, raporton Portalb.mk.
Më datë 13.01.2026 në ora 19:20, në Sektorin për Punë të Brendshme Tetovë është raportuar se në rrugën “180” në Tetovë është përfshirë nga zjarri një banesë, pronë e personit O.S. (76) nga Tetova, i cili ka ndërruar jetë në vendngjarje.
“Mjeku ka konstatuar vdekjen e tij. Kurse gjatë përpjekjes për të shuar zjarrin, lëndime nga djegiet ka pësuar djali i tij, M.S. (51) nga Tetova. Ai është dërguar me automjet të Ndihmës së Shpejtë në Spitalin Klinik të Tetovës për t’iu ofruar ndihma mjekësore”, tha Fatmir Rexhepi, zëdhënës i SPB Tetovë.
Zjarri është fikur nga Njësia Territoriale Kundër Zjarrit e Tetovës.
Komandanti i zjarrfikësve të Tetovës, Avni Ameti tha se njoftimin për zjarrin e kanë marrë ora 19:05 në blllok 70 digjet një banesë.
“Ekipet e zjarrfikësve kanë qenë në terren me tre automjete, gjithashtu kemi mbërritur në kohë, dy minuta e kemi shumë afër bllokun 70. Siç konstatuam nga shkuarja atje, bëhet fjalë për një person që e ka humbur jetën. Dihet se në të njëjtën banesë, para disa ditëve kemi pasur njëjtë zjarr të paraqitur dhe kemi intervenuar ne si zjarrfikës”, tha Ameti.
Lidhur me shkaqet e zjarrit, Ameti sqaroi se është përdorur bombolë gazi.
Në vendin e ngjarjes është kryer këqyrje nga Prokurori Publik dhe ekipi inspektues i SPB Tetovë.
VIDEO:
/portalb
