Maqedoni: Pagat duhet të rriten më shumë ?

Inflacioni mbetet një nga temat kryesore ekonomike, me parashikime të ndryshme për vitin 2026. Kryeministri Hristijan Mickoski pret inflacion rreth 4%, ndërsa guvernatori Trajko Slaveski është më optimist dhe parashikon rënie në 2.5%, falë çmimeve më të favorshme globale, pritjeve të stabilizuara dhe investimeve në infrastrukturë. Sipas tij, rritja ekonomike mund të arrijë rreth 4%.

Megjithatë, ekspertët theksojnë se inflacion më i ulët nuk do të thotë ulje çmimesh, por rritje më të ngadaltë të tyre. Pyetja kryesore për vitin 2026 do të jetë nëse pagat dhe pensionet do të rriten më shpejt se inflacioni, pasi vetëm kështu përmirësohet standardi i jetesës. Shembujt nga viti 2025 tregojnë se rritja reale është e mundur kur të ardhurat rriten më shpejt se çmimet.

Ekspertët paralajmërojnë gjithashtu se rritja e çmimit të energjisë elektrike nga janari 2026 dhe rritja e kostove të jetesës, veçanërisht në transport dhe shërbime, do të ndikojnë drejtpërdrejt te qytetarët. Në fund, standardi real i jetesës në vitin 2026 do të varet nga raporti mes rritjes së të ardhurave dhe inflacionit.

/ms