Kërçovë – Gostivar: ndalim për automjetet e rënda transportuese për shkak të borës!

Nga ora 14:10 është vendosur ndalim për automjetet e rënda transportuese (TMV) në aksin rrugor Kryqëzimi i Mavrovës – Mavrovë – Dibër, për shkak të reshjeve të borës.
Nga ora 21:10 vendoset ndalim qarkullimi për automjetet e rënda transportuese në aksin rrugor Strugë – PK Qafë Thanë, në të dy drejtimet.

Më e fundit: Nga ora 00:25 është vendosur ndalim për automjetet e rënda transportuese në aksin rrugor Kërçovë – Gostivar, për shkak të reshjeve të borës.

GJENDJA E RRUGËVE: Qarkullimi në rrugët shtetërore zhvillohet në kushte dimërore, kryesisht në karrexhata të lagështa. Borë me intensitet të ulët po bie në Kriva Pallankë – Pavleshencë – Tetovë – Popova Shapka – Mavrovë – Strazhë – Presekë – Bukovë – Gjavatë – Pletvar – Krushevë, e cila për momentin nuk po mbahet në karrexhatë.

Të gjitha akset rrugore janë të kalueshme. Në disa segmente rrugore që kalojnë nëpër prerje dhe gryka, është e mundur paraqitja e rrëshqitjeve të vogla të dheut. NP “Maqedonia Pat” apelon për drejtim të kujdesshëm të automjeteve, respektim të sinjalistikës rrugore të vendosur, si dhe përshtatje të shpejtësisë sipas kushteve të rrugës.

/porta.mk