Situata pas reshjeve të dendura në Maqedoni ?

QMK informon se pas reshjeve të dendura të shiut situata po stabilizohet në shumicën e rajoneve.
Në rajonin lindor (Shtip) nivelet e lumenjve janë në rënie, por ka rrëshqitje dheu në disa rrugë, të cilat po mbahen të kalueshme. Në rajonin e Shkupit nuk ka probleme.

Në rajonin jugperëndimor (Ohër–Strugë) janë evidentuar derdhje lokale lumenjsh, përmbytje bodrumesh, oborresh dhe disa shtëpish. Ekipet në terren po ndërhyjnë me mekanizim dhe pompa. Lumi Radika ka nivel të rritur, por të qëndrueshëm, ndërsa rrëshqitjet e vogla po pastrohen.

Në Kërçovë, lumenjtë Zajashka dhe Treska janë rritur, ndërsa situata më kritike mbetet në rrugën Prilepska me 125 ndërtesa të përmbytura dhe rreth 150 persona të evakuuar. Po kryhen punime për mbrojtje dhe është siguruar ndihmë për të prekurit.

Në rajonin Manastir–Pelagoni janë regjistruar dëme në infrastrukturë dhe bujqësi, përmbytje tokash, oborresh dhe shtëpish, si dhe mbyllje e përkohshme rrugësh. Ndërhyrjet për pastrim, forcim argjinaturash dhe pompim uji janë aktive.

Në rajonet juglindore (Strumicë), verilindore (Kumanovë) dhe Pollog (Tetovë) situata është kryesisht e qetë, pa dëme serioze, me reshje më të lehta dhe disa probleme lokale me energjinë elektrike.

/ts