Futbollisti kërçovar Shaban Zenku ndahet nga Struga Trim Lum, drejt një kapitulli të ri në Gjermani

Futbollisti kërçovar Shaban Zenku është ndarë nga Struga Trim Lum dhe është gati për rikthim në Gjermani.

Pas dy vitesh bashkëpunim, 21-vjeçari ka ndërprerë me mirëkuptim marrëveshjen me ish-kampionët e vendit, të cilët respektuan dëshirën e tij për t’u kthyer pranë familjes.

I formuar te Borussia Mönchengladbach, Zenku iu bashkua Strugës në janar 2024 dhe kontribuoi në fitimin e titullit kampion.

Në një sezon e gjysmë regjistroi 47 paraqitje, shënoi 2 gola, dha 4 asistime dhe u grumbullua rregullisht me U21 të Maqedonisë së Veriut.

Kapitulli i ri pritet të sjellë zhvillim profesional dhe minuta të rëndësishme konkurruese atje.

/tvgurra