Zvicëranët në hall me Gripin !

Të paktën 2.000 persona aktualisht janë të shtrirë në shtrat për shkak të gripit, i cili po përhapet me ritme të shpejta. Javën e kaluar në Zvicër dhe Lihtenshtajn u regjistruan 2.178 raste të konfirmuara, rreth një e treta më shumë se një javë më parë dhe gati dyfish krahasuar me të njëjtën periudhë të vitit të kaluar.

Numri më i lartë i rasteve për 100.000 banorë u raportua në Ticino, Basel-City dhe Valais, ndërsa Glarus, Obwalden dhe Nidwalden shënuan shifrat më të ulëta.

Është rritur ndjeshëm edhe numri i konsultave mjekësore: rreth 18.000 persona kërkuan ndihmë për simptoma gripale, krahasuar me rreth 7.000 vitin e kaluar.

Përveç gripit, në qarkullim janë edhe viruse të tjera si RSV, i cili po shënon rritje në disa rajone. Covid-19 vazhdon të jetë i pranishëm, por aktualisht me më pak raste sesa gripi.

/albinfo