Shqiptarët shumicë në rreth 17 komuna të Maqedonisë së Veriut sipas Regjistrimit 2021

Sipas të dhënave zyrtare të Regjistrimit të Popullsisë 2021, nga gjithsej 80 komuna në Republikën e Maqedonisë së Veriut, shqiptarët janë grup etnik shumicë në rreth 17 komuna. Këto komuna shtrihen kryesisht në pjesën perëndimore dhe verilindore të vendit, përcjell INA.

Komunat ku shqiptarët përbëjnë shumicën janë: Zhelina, Likova, Bogovina, Haraçina, Saraji, Tearca, Vrapçishti, Tetova, Studeniçani, Gostivari, Bërvenica, Dibra, Çairi, Struga, Kërçova, Çashka dhe Dollneni.

Këto të dhëna janë shpërndarë gjerësisht në rrjetet sociale nga faqe të ndryshme informative dhe bazohen në regjistrimin e fundit të popullsisë të vitit 2021. Sipas këtij regjistrimi, shqiptarët në Maqedoninë e Veriut numërojnë gjithsej 619,187 persona, që përbëjnë 29.52% të popullsisë së përgjithshme të regjistruar, përfshirë rezidentët dhe jorezidentët.

/tvgurra