Çdo ditë më shumë drejtues po vozisin pa patentë në Zvicër!

Një studim gjerman tregon se gjithnjë e më shumë njerëz vozisin pa patentë të vlefshme, dhe fenomeni po rritet edhe në Zvicër. Sipas ekspertëve, kjo nuk është një dukuri e rrallë dhe shpesh kryhet nga shoferë me përvojë, kryesisht meshkuj 30–40 vjeç.

Edhe ASTRA konfirmon rritje të lehtë të rasteve në Zvicër. Në vitin 2024 u regjistruan 1,768 raste të vozitjes me kategori të pasaktë patente dhe mbi 1,000 raste me patenta të huaja të revokuara. Po ashtu, 1,363 persona vazhduan të vozisin pavarësisht pezullimit të përkohshëm.

Aksidentet e shkaktuara drejtpërdrejt nga mungesa e patentës mbeten të rralla, por trendi është në rritje. Studimi gjerman vlerëson se numri real i shkelësve është shumë më i lartë, pasi 13% e të anketuarve pranuan se kanë vozitur pa patentë dhe shumica nuk janë kapur ndonjëherë.

/ms