Ndryshime në kufirin me Hungarinë: Çfarë duhet të dinë mërgimtarët ?

Një lajm i rëndësishëm për të gjithë mërgimtarët që udhëtojnë drejt vendlindjes për pushimet e fundvitit: pika kufitare Baçki Vinogradi – Ásotthalom ka ndryshuar orarin e punës.

Sipas njoftimit të Drejtorisë së Policisë Kufitare në bashkëpunim me autoritetet hungareze, nga 10 dhjetori deri më 11 janar, kjo pikë kufitare do të punojë nga ora 07:00 deri në 22:00, në vend që të mbyllet në 19:00 si më parë.

Kjo pikë është e hapur vetëm për komunikacion vetjak dhe vetura, ndërsa nuk lejohet qarkullimi i autobusëve dhe kamionëve.
Ndryshimi i orarit vjen në periudhën kur pritet fluks i madh mërgimtarësh për festat e fundvitit. Për më tepër, pritjet në kufi tashmë janë zgjatur për shkak të sistemit të ri të hyrje–daljes EES, ndaj orari i ri mund të ndihmojë udhëtarët të shmangin turmat dhe pritjet e gjata.

Nëse po udhëtoni për pushime në ditët në vijim, kini parasysh: Kontrolloni paraprakisht oraret e pikave kufitare, llogaritni pritje më të gjata për shkak të sistemit EES, pika Baçki Vinogradi – Ásotthalom është e përshtatshme vetëm për vetura.

/(INA)