Ja Çfarë mendojnë qytetarët e Maqedonisë për Bashkimin Evropian?

Anketa e Fondacionit Metamorfozis tregon se qytetarët e Maqedonisë së Veriut mbeten të ndarë sa i përket BE-së. Megjithëse shumica e mbështesin integrimin, shumë prej tyre ndiejnë presion, padrejtësi dhe pasiguri ekonomike. Rezultatet tregojnë se 40% mendojnë se BE rrezikon vlerat tradicionale, ndërsa mbi gjysma kundërshtojnë ndryshimet e shpejta kushtetuese. Po ashtu, shumica besojnë se procesi është i ngadalshëm, me kushte të padrejta dhe standarde të dyfishta.

Gazetarja Katarina Sinadinovska thekson se debati publik është i polarizuar mes ekstremistëve pro dhe kundër BE-së, duke kërkuar qasje më racionale dhe vendimmarrje pragmatike. Ajo vëren se BE-ja po e rishikon politikën e zgjerimit për arsye sigurie, ndërsa në vend mungon konsensusi i brendshëm.

Qeveria aktuale me kryeministrin Mickoski mban “vija të kuqe” ndaj ndryshimeve kushtetuese, duke kërkuar garanci të qarta nga BE-ja dhe angazhime nga Bullgaria. Ndërkohë, Komisioni Evropian thekson se pa përfshirjen e bullgarëve në Kushtetutë, negociatat nuk mund të avancojnë. Ndryshimet kërkojnë shumicë prej dy të tretash, çka e bën procesin të bllokuar politikisht.

/portalb