Në Zvicër parashihet që telefoni t’u jepet fëmijëve vetëm nga klasa e 7-të !

Në disa shkolla në Zvicër, përdorimi i telefonave inteligjentë është tashmë i ndaluar. Në Köniz (BE), shumë prindër duan të vendosin kufij të qartë edhe jashtë shkollës. Sandra Keller, nënë e një nxënësi të klasës së katërt, pyet veten nëse është normale që fëmijët të marrin telefon për ditëlindjen e dhjetë. Edhe pse ajo dhe bashkëshorti duan ta shtyjnë sa më gjatë, ata ndjejnë një “presion të heshtur” — frikën se mos fëmija mbetet prapa, përcjell albinfo.ch.

Prindërit bashkohen kundër presionit social
Që nga shkurti, shkollat e komunës së Köniz kanë ndaluar pajisjet private gjatë mësimit: telefonat dhe orët inteligjente mbyllen në kuti. Kjo i ka shtyrë prindërit të kërkojnë rregulla të përbashkëta edhe në jetën private. Sipas Christoph Inauen, anëtar i këshillit të prindërve, presioni vjen kur fëmija thotë se “të gjithë të tjerët kanë telefon”.

80% e prindërve pro rregullave të reja
Rezultatet e sondazhit anonim treguan mbështetje të madhe: 80% e prindërve janë gati ta zbatojnë rregullin për telefonin, edhe 10% të tjerë e mbështesin, por fëmija ka tashmë telefon. Vetëm 10% e refuzuan qasjen e koordinuar.

/albinfo