Tv Gurra: Nga Flijimi te Përgjegjësia: Drejtësia Hyjnore në Kuran. Shkruan Fatmir Limani

Tek traditat e lashta, shpëtimi vinte përmes flijimit të tjetrit. Kurani e përmbys këtë logjikë, duke shpallur se secili mban barrën e vet. S’ka ndërmjetës, s’ka viktima — vetëm ndërgjegjësim, drejtësi dhe dritë hyjnore për çdo shpirt.

Ne nje postim ne Fb zfatmir Limani shkruan:
FLIJIMI DHE PËRGJEGJËSIA, NJË NDËRHYRJE HYJNORE
Në shumë tradita të lashta, ekzistonte ideja se mëkati i njerëzve mund të lahej përmes flijimit të një tjetri.
■ Në Bibël, “dashi flijues” (Levitiku 16:10) mbart mëkatet e popullit në shkretëtirë.
Në krishterim, kjo ide merr formën më të lartë te flijimi i Krishtit për mëkatet e njerëzimit.

Ky është një model i shpëtimit përmes vuajtjes së tjetrit, një logjikë e ”dashit flijues”që qetëson fyerjen dhe rivendos paqen.
■ Kurani e ndërpret këtë logjikë në themel. Ai e kthen përgjegjësinë nga tjetri tek vetja, duke shpallur një drejtësi të pastër dhe individuale:
● “Asnjë shpirt nuk do të mbajë barrën e një tjetri.”

(El-En’am, 6:164)
● “Asnjë shpirt nuk do të mund të shpaguajë asgjë për një shpirt tjetër.”
(El-Bekare, 2:48)
● “Çdo njeri është peng i asaj që ka bërë.”
(El-Muddeththir, 74:38)
Në këtë vizion, s’ka dash flijues, s’ka zëvendësim fajesh çdo njeri bart peshën dhe nderin e veprës së vet.
■ Ky është dallimi thelbësor i Kuranit:
Nuk ka shpëtim përmes tjetrit, por vetëm përmes ndërgjegjes vetjake.

Drejtësia nuk kërkon viktima, por kërkon ndërgjegjësim.
Ky është një ndryshim radikalisht i kundërt, që ndan dy mënyra të të menduarit për hyjnoren:
– Në njëra, Zoti pajtohet përmes flijimit të tjetrit.

– Në tjetra (Kurani), Zoti të kthen përballë vetes pa ndërmjetës, pa justifikime.
Asnjë njeri s’mund të shpëtojë me fajin e tjetrit, asnjë njeri s’mund të humbasë me veprën e tjetrit. Pra është drejtësia e dritës. Dhe unë jam me drejtësinë e dritës, sepse Kurani është në këtë temë libri më i drejtë !
F. B. L.

/tvgurra