BDI në Kërçovë duhet urgjentisht të reformohet !

Pas çdo rënieje vjen momenti i kthjellimit. Pas çdo rezultati të pakënaqshëm , lind mundësia për t’u ngritur më ndershëm, më me dinjitet dhe më me vetëdije.

2025 na tregoi qartë: Njerëzit nuk i besojnë më fjalëve të njëjta. Janë lodhur nga premtime të rreme, nga figura që shfaqen vetëm kur afrohen zgjedhjet dhe nga ata që punojnë për hater të dikujt tjetër, jo për qytetin e vet.

Koha kërkon diçka tjetër.
Një rilindje me intelektualë të lirë, me njerëz që mendojnë vetë, që flasin drejt dhe që nuk pranojnë të udhëhiqen nga prapaskena.
Rilindje me ata që nuk kanë frikë nga drita, sepse s’kanë pse të fshihen në hije.

Ka nga ata që për 20 vite shfrytëzuan çdo mundësi, mbajtën poste e pozita, ushqyen ego personale, u pasuruan dhe nuk u kënaqën. Sot përpiqen të rikthehen me petk të ri, me uniformë tjetër, si të rilindur në moral, por me të njëjtën logjikë të vjetër.

Në krah të tyre, shfaqen edhe të tjerë që përpiqen të hyjnë në politikë nën hijen e “veprave të mira”, duke e kthyer ndjeshmërinë e një populli të tërë në mjet për ambicie personale.
E megjithatë, koha i zbulon të gjitha. Maskat bien vetë, sepse e vërteta nuk fshihet gjatë.

Qytetarët janë lodhur nga cikli i njëjtë: Zgjidhen njerëz për të fituar lagje, por humbet qyteti. Zgjidhen për interesa të ngushta, jo për të mirën e përbashkët. Dhe ky mentalitet është ai që duhet të marrë fund.
Vendi ka nevojë për njerëz që nuk e shohin pushtetin si strehë, por si përgjegjësi.

Për mendje që krijojnë – JO që imitojnë.
Për zëra që flasin drejt – JO që përsërisin urdhra.
Nëse duam ndryshim të vërtetë, ai fillon nga vetëdija dhe ndershmëria.

Koha e atyre që ndërtuan për vete ka përfunduar.
Tani është koha e Rilindjes me Intelektualë.
#Për_të_mirën_e_përgjithshme shkruan një anonim për Kërçova City.

/ms