Tv Gurra: Shkodran Alili takim frymezues me mergaten në Zvicër – “Ne jemi gati”

Kandidati i pavarur për kryetar të Komunës së Kërçovës, Shkodran Alili, sot në një sallë të stërmbushur në Zvicër nisi zyrtarisht fushatën zgjedhore, duke zgjedhur mërgatën si pikënisje të rrugëtimit të tij politik. Me moton “Ne jemi gati”, ai përcolli mesazhin se ky fillim është dëshmi e një vizioni të ri që synon ndryshimin e shumëpritur për Kërçovën.

Në këtë takim madhështor, Shkodran Alili dhe ekipi i tij prezantuan programin në disa pika , të cilat përfshijnë: transparencën dhe llogaridhënien, humanizmin si vlerë udhëheqëse, zhvillimin e arsimit dhe sportit, përkujdesjen për shëndetësinë, si dhe menaxhimin e mirë dhe modern të komunës.

Ky program u shpalos para mërgatës kërçovare nga ekipi i këshilltarëve, ku Qendresa Sadiku dhe Herolind Limani dhanë prezantimet e tyre, ndërsa kryesuesi i listës, z. Kujtim Kasami, paraqiti vizionin dhe ekipin e plotë që do të mbështesë këtë projekt.

Në fjalën e tij, Shkodran Alili theksoi se mërgimtarët janë “aorta e vendlindjes”, duke nënvizuar rolin e pazëvendësueshëm të tyre në zhvillimin e Kërçovës.
Ai garantoi se çdo premtim i dhënë do të ketë mbështetje noteriale dhe do të realizohet me përkushtim, duke e kthyer fjalën në vepër.

Takimi u mbyll me një sesion pyetjesh e diskutimesh të hapura me publikun, ku mërgimtarët patën mundësi të ndajnë idetë dhe shqetësimet e tyre.
Takimi në Zvicër u vlerësua si një hap i madh e i fuqishëm drejt një Kërçove të re, të ndërtuar mbi transparencë, humanizëm dhe besim të ndërsjellë.

/tvgurra