Reagim nga Kf Vëllazërimi

Ne, gjatë gjithë kohës punojmë për të ndërtuar dhe përmirësuar, ndërsa fatkeqësisht dikush, me ose pa vetëdije, shkatërron të mirën e përbashkët.

Është turp i madh ky nivel i papërgjegjësisë dhe vandalizmit në një hapësirë që llogaritet si qendër sportive për gjithë komunitetin.

KF Vëllazërimi, në koordinim me autoritetet vendore, njofton opinionin e gjerë se për shkak të akteve të fundit vandale dhe dëmtimit serioz të fushës ku zhvillohen ndeshjet dhe stërvitjet e KF Vëllazërimi dhe ekipeve të moshave, është marrë vendimi që qendra sportive në lokacionin e Stadiumit të Vëllazërimit të mbyllet përkohësisht dhe e njejta të jetë në funksion vetëm e klubit dhe moshave të reja që të stërviten aty.

Ky vendim hyn në fuqi menjëherë, për shkak të fillimit të sezonit, me qëllim që të mbrohet fusha dhe të përshtatet për gjeneratat që garojnë dhe stërviten aty.

VËREJTJE:
• Çdo akt vandalizmi dhe çdo ndërhyrje pa njoftuar autoritetet e klubit do të ndëshkohet, duke u marrë masa institucionale dhe policore.
• Lusim prindërit dhe të gjithë vizitorët që të mos hyjnë në fushë, pasi kjo sjell dëmtime të mëdha.

Faleminderit për mirëkuptimin dhe bashkëpunimin tuaj.
Me respekt,
KF Vëllazërimi

/tvgurra