Trashëgimtarët e poetit Selim Adili, nderojnë rrënjët e trungut të tyre

Aty ku fjala shqipe u mësua për herë të parë në këto treva, u rikthyen tingujt e trashëgimisë përmes një vizite që lidhte breza. Në bibliotekën e poetit të ndjer Selim Adili e hapur disa vite përpara në kuadër të manifestimit “Thesari që na bashkon”, në shkollën e parë të gjuhës shqipe “Gjergj Kastrioti-
Skënderbeu”, në vendlindjen e tij në fshatin Sërbicë të Kërçovës, qëndruan për vizitë pasardhësit e poetit që biblioteka mban emrin e gjyshit të tyre. Në këtë vend të shenjtë për gjuhën dhe arsimin shqip,ata u rikthyen për të nderuar rrënjët e tyre.

Ku prezentë ishin nipër, mbesa, stërmbesa dhe stërnipër të poetit Selim Adili, të ardhur enkas nga Amerika dhe Zvicra. Pasardhës të trungut të një figure që la gjurmë në fjalën e shkruar dhe trashëgiminë shpirtërore të kësaj treve. Vizita e tyre në bibliotekën që mban emrin e tij, përbën një akt të thellë simbolik.

Një qëndrim nderi, që përcolli një mesazh përqafimi shpirtëror mes brezash. Si një dëshmi se fryma e dijes, kulturës dhe atdhedashurisë jeton përtej kufijve dhe kontinenteve. Biblioteka me këtë akt, morri frymë me praninë e pasardhësve të poetit, duke u shëndrruar në një pikë takimi mes së shkuarës dhe së ardhmes.

Ajo u kthye në një vend pelegrinazhi për pasardhësit e poetit, duke i bashkuar ata jo vetëm me vendlindjen e të parëve, por edhe me kujtesën dhe kontributin që ai la pas. Ky moment nuk ishte vetëm një vizitë, por një dëshmi e gjallë se dashuria për vendlindjen, kulturën, gjuhën e gjakun trashëgohet me krenari nga brezi në brez. Në shenjë respekti e nderi, shkruar nga nipi i tij Bekim Adili…!

/tvgurra