Aksident në rrugën Ohër-Kërçovë, përfshihen dy automjete, një me targa të Shqipërisë..!!

Një aksident komunikacioni është regjistruar pasditen e sotme në aksin rrugor Ohër-Kërçovë, konkretisht në afërsi të Presekës. Në aksident janë përfshirë dy automjete, një me targa të Shqipërisë dhe një tjetër me targa të Maqedonisë së Veriut.

Siç mësohet nga dëshmitarët okularë, përplasja ka qenë e fortë dhe automjetet kanë pësuar dëmtime të konsiderueshme materiale. Fatmirësisht, deri më tani nuk raportohet për persona me lëndime të rënda.

Në vendin e ngjarjes kanë dalë menjëherë njësitë e policisë dhe Ndihma e Shpejtë, të cilët kanë marrë masat e nevojshme dhe po kryejnë hetimet për zbardhjen e shkaqeve të aksidentit. Siç shihet edhe nga fotografia e siguruar nga vendngjarja, njëri prej automjeteve është dëmtuar rëndë në pjesën e përparme, ndërsa rruga është bllokuar përkohësisht për qarkullim.

Policia rregulloi qarkullimin dhe apelon për kujdes të shtuar nga të gjithë pjesëmarrësit në trafik.
Hetimet për zbardhjen e plotë të rrethanave vazhdojnë.

/ms