I riu nga Maqedonia mbytet në det..!?

Në plazhin qendror të vendit turistik Hanioti në Halkidiki të Greqisë, është mbytur një 19-vjeçar nga Maqedonia, raporton portali Halkidikinews.
Sipas raportimit, i riu ka pësuar arrest kardiak.

Raportohet se roja bregdetare lokale ka ndërhyrë menjëherë dhe e ka nxjerrë trupin e të riut në breg, duke nisur menjëherë reanimacionin me defibrilator.

Pak minuta më vonë, në vendngjarje ka mbërritur edhe një tjetër roje bregdetare që ka marrë pjesë në përpjekjet për të rikthyer në jetë 19-vjeçarin.

Ka mbërritur gjithashtu edhe një ekip i urgjencës mjekësore, por i riu nuk ka treguar asnjë shenjë jete.
Djaloshi është transportuar në Qendrën Shëndetësore të Kasandrës, ku mjekët kanë konstatuar vdekjen e tij pas një kohe të shkurtër.

/tv21