Bullgaria shpall gjendje të jashtëzakonshme! Kjo është arsyeja..!?

Autoritetet bullgare kanë shpallur gjendje të jashtëzakonshme në rajonin verilindor të Shumenit, pasi janë zbuluar pamje dhe gjurmë që tregojnë për praninë e një grabitqari të rrezikshëm, që besohet të jetë një panterë e zezë.

Kafsha është në arrati prej të paktën pesë ditësh dhe autoritetet kanë kufizuar qasjen në Parkun Kombëtar të Shumenit, ku janë gjetur gjurmë të freskëta vetëm të hënën. Banorët janë paralajmëruar të qëndrojnë në shtëpi dhe të shmangin kontaktin me kafshën, e cila përshkruhet si jashtëzakonisht e rrezikshme.

Sipas ekspertëve, pantera mund të jetë arratisur nga një kopsht zoologjik privat dhe është e aftë të mbijetojë në natyrë për një kohë të gjatë. Aktualisht janë vendosur kurthe dhe po përdoren karrema për ta joshur, ndërsa specialistët e kafshëve janë angazhuar për ta gjurmuar.

Ky nuk është një rast i izoluar në Evropë: pamje të ngjashme janë raportuar më parë në Itali, Sllovaki dhe Mbretërinë e Bashkuar. Ndërkohë, autoritetet bullgare vijojnë kërkimet dhe theksojnë se kafsha mund të jetë në lëvizje drejt kufirit me Serbinë.

/syri.net