Irani përdor për herë të parë raketën super të avancuar dhe shkatërruese..!? (VIDEO)
Irani zbuloi ditën e sotme përdorimin e raketës balistike të përparuar me shumë koka bërthamore ‘Khaybar’, e njohur edhe si Khorramshahr-4, gjatë sulmit të fundit ndaj objektivave strategjikë në Izrael, si pjesë e Operacionit “Premtimi i Vërtetë 3”.
“Për herë të parë u përdor raketa balistike Khaybar (Qadr-H) me shumë koka bërthamore, duke zbatuar taktika të reja dhe surprizë për sulme me saktësi, shkatërrueshmëri dhe efektivitet të lartë,” tha një zëdhënës i Gardës Revolucionare.
Raketa Khaybar është gjenerata e katërt e serisë iraniane Khorramshahr dhe konsiderohet një nga sistemet më të avancuara të armëve të Ministrisë së Mbrojtjes të Republikës Islamike.
Ajo operon me lëndë djegëse të lëngshme, por posedon karakteristika të avancuara që e bëjnë jashtëzakonisht të vështirë zbulimin apo neutralizimin nga sistemet moderne të mbrojtjes.
Me një rreze veprimi prej 2,000 kilometrash, ‘Khaybar’ mund të godasë objektiva në të gjithë Lindjen e Mesme, si dhe në pjesë të Evropës dhe Azisë.
Raketa arrin shpejtësi deri në Mach 16 (16 herë shpejtësia e zërit) jashtë atmosferës dhe Mach 8 brenda saj, duke siguruar avantazhe të jashtëzakonshme operacionale.
Kokëluftarake e saj peshon 1,500 kilogramë, më e madha që Irani ka përdorur ndonjëherë, dhe është projektuar për goditje me saktësi të lartë, pa udhëzim në fazën përfundimtare të trajektores.
Një tjetër zhvillim i rëndësishëm është motori vendas Arvand, gjithashtu i prodhimit iranian, i cili përmirëson shpejtësinë e nisjes, redukton kohën e reagimit dhe rrit fleksibilitetin gjatë fluturimit.
Zyrtarët iranian e përshkruajnë atë si një nga motorët më të avancuar me lëndë djegëse të lëngshme në kategorinë e tij.
Sipas mediave iraniane, përdorimi i Khaybar ndryshon ekuilibrin strategjik të raketave në rajon.
VIDEO:
/syri.net
