Demant: E vërteta për rrugën “Rudnicka” nga kryetari Fatmir Dehari

Kryetari Dehari sqaron të vërtetën për rrugën Rudnicka
Të nderuar qytetarë të Komunës së Kërçovës,
Dje paradite, disa përfaqësues të VMRO-së në Kërçovë bënë një fotografi në rrugën Rudnicka, duke falënderuar ministrin aktual të Transportit, në emër të qytetarëve të Kërçovës – si për të treguar se edhe ata “kujdesen” për qytetin tonë.

Populli thotë:
“Është lehtë të ulesh në sofrën e shtruar, por dikush duhet ta gatuaj ushqimin.”
Për hir të së vërtetës, po ju rikujtojmë disa fakte:
📌 Më 23 dhjetor 2019, Republika e Maqedonisë së Veriut nënshkroi marrëveshje me Bankën Botërore për financimin e rrugëve lokale.
📌 Me vendim nr. 33 të 10 shkurtit 2020 dhe memorandumin e 28 shkurtit 2020, Komunës së Kërçovës i janë ndarë 1.208.354,75 euro.

📌 Më 14 shtator 2021 u nënshkruan marrëveshje për 3 projekte:
Rr. Uzhicka Republika – 330.373 €
Rr. Boris Kidriç – 320.071 €
Rr. Dllapkin Doll – Greshnicë – 68.870 €
📌 Rreth 15% e mjeteve u ndanë për projektim, mbikëqyrje dhe konsulencë.
📌 Nga kursimet mbetën 307.786 €, të cilat Komuna i përdori për projektin e rrugës Rudnicka, i përgatitur në dhjetor 2022.

Ky projekt u planifikua për vitet 2023–2024, por për shkak të zgjedhjeve dhe prolongimeve nga qeveria e re, pati vonesa për të cilat Komuna nuk është përgjegjëse.

🛑 VMRO jo vetëm që nuk e përkrahu projektin, por edhe e pengoi. Aktivistë të saj ankuan në Bankën Botërore për “dëme sociale”, duke u përpjekur të ndalin realizimin.
💶 Komuna u detyrua të mbulojë 10.000 € nga buxheti i vet dhe projekti u vonua për më shumë se 4 muaj.

⛔ Mos falënderoni për diçka që nuk e keni bërë!
⛔ Mos pengoni ata që kanë punuar dhe punojnë!
✅ Qytetarët dinë të bëjnë dallimin mes punës dhe fotografisë!
👋 Në fakt, unë jam dakord që ju gëzoheni kur punohet dhe shihet puna.
Por tregoni minimumin njerëzor dhe thoni:
“Faleminderit Komuna e Kërçovës”,
jo mua me emër – sepse e di që kjo ju pengon.

/tvgurra