Media amerikane: Donald Trump po shqyrton mundësinë t’i bashkohet Izraelit..!?

Presidenti i SHBA-së, Donald Trump, po e shqyrton mundësinë t’i bashkohet Izraelit në sulmet ndaj zonave bërthamore në Iran, përfshirë atë në Fordow, kanë thënë për “CBS” burime të njohura me çështjen.

Kjo çështje ishte parashikuar të diskutohej në takimin e Trump me ekipin e Këshillit të Sigurisë Kombëtare të SHBA-së, raporton “BBC”.

Takimi ka përfunduar, ndërsa ka zgjatur një orë e 20 minuta. Nuk ka informacione lidhur me atë nëse është marrë ndonjë vendim, por është shtuar se nuk ka pajtim të plotë në mesin e këshilltarëve më të afërt të Trump nëse SHBA-ja duhet t’i bashkohet Izraelit në sulmet ndaj Iranit.

Zyrtarët e lartë izraelitë po presin të mësojnë nëse Trump do t’u ndihmojë në sulmet ndaj zonave bërthamore, ka thënë një zyrtar i Izraelit për CNN-in.

“Po presim për vendimin e presidentit”, ka thënë ai.
Ligjvënësit amerikanë po e peshojnë mendimin e tyre lidhur me mënyrën se si Trump po e trajton konfliktin mes Iranit dhe Izraelit.

/syri.net