Trump paralajmëron Teheranin: Do të bëhet edhe më keq për ju..!?

Izraeli ka filluar sulmet ajrore ndaj Iranit në një operacion të quajtur “Zgjimi i Luanit”. Në qendër të sulmeve të Izraelit ndaj Iranit qëndron programi bërthamor i diskutueshëm i Teheranit.

Ndërkohë, iranianët i janë kundërpërgjigjur sulmeve të shtetit hebre duke lëshuar mbi 100 dronë drejt Tel Avivit.
Duke folur për sulmet e fundit izraelite, Trump deklaroi se ekstremistët iranianë “folën me guxim, por nuk e dinin çfarë i priste. Tani janë të gjithë të vdekur — dhe do të bëhet edhe më keq!”

Ai e mbylli mesazhin me një paralajmërim të fortë për udhëheqësit iranianë “tashmë ka pasur shumë vdekje dhe shkatërrim, por ende ka kohë për t’i dhënë fund kësaj gjakderdhjeje.

Sulmet e ardhshme të planifikuara janë edhe më brutale. Irani duhet të bëjë një marrëveshje, para se të mos mbetet më asgjë dhe të shpëtojë atë që dikur njihej si Perandoria Iraniane. Mjaft më me vdekje, mjaft më me shkatërrim — thjesht bëjeni, para se të jetë tepër vonë. Zoti ju bekoftë të gjithëve!”

/telegrafi